د نړۍ تر ټولو بډایه سوالګر چې د قیمتي اپارتمانونو او دوکانونو خاوند دی
د نړۍ له هر ډګر سره تړلي خلک غواړي چې د خپل ځان او کورنۍ لپاره د ښه ژوند کولو لپاره سخت کار وکړي، مګر دلته به تاسو حیران شي چې یو څوک چې د قیمتي اپارتمانونو او دوکانونو خاوند وي او د نړۍ ترټولو بډایه سوالګر هم وي.
د رسنیو د راپور له مخې، د نړۍ د دې شتمن سوالګر نوم 'بهارت جین' دی، چې د هند د ممبۍ ښار په کوڅو کې سوال کوي. د سوالګر اصطلاح د هغو خلکو لپاره کارول کیږي چې د بې وزلۍ له امله ښه ژوند نشي کولی، مګر ځینې داسې خلک هم شته چې سوالګري يې په یوه ګټور مسلک بدله کړې ده.
د اکانومیک ټایمز د یوه راپور له مخې بهارت جین د نړۍ تر ټولو بډایه سوالګر دی، چې د خراب مالي وضعیت له امله یې زده کړې نه شوې کولی، خو واده یې کړی او دوه زامن لري.
دغه تر ټولو شتمن سوالګر څومره شتمني لري؟
بهارت جین د اووه اعشاریه پنځه کروړه روپیو ملکیت لري، چې هره میاشت له ۶۰۰۰۰ څخه تر ۷۵۰۰۰ روپیو عاید لري. د دې ترڅنګ، هغه په ممبۍ کې د یو اعشاریه دوه کروړه ډالرو په ارزښت یو فلیټ او په بل ښار کې دوه دوکانونه لري، چې د ۳۰۰۰۰ روپیو کرایه لري. که څه هم بهارت جین بډای دی، خو بیا هم دغه مسلک ته غاړه کیږدي او په کوڅو کې سوال کوي، په ورځ کې یوازې له لسو تر دولسو ساعتونو کار کولو سره له دوه تر دوه نیم زره کلدارو عاید ترلاسه کوي. د جین کورنۍ په یو لوکس فلیټ کې ژوند کوي پداسې حال کې چې ماشومانو یې زده کړې بشپړې کړي او د د کورنۍ نور غړي يې د قرطاسيې دوکان چلوي.
تگ
