وآټساپ ولې په هند کې 6.5 ملیون حسابونه بند کړل؟
د میټا ملکیت مشهور د پیغام رسولو اپلیکیشن واټساپ ، په هند کې و واټساپ کاروونکو 6.5 ملیون حسابونه بند کړل.
واټس اپ په هند کې د Advance IT 2021 لاندې 6.5 ملیون حسابونه بند کړي دي. دا بندیز وروسته له هغه پلي شو چې WhatsApp د هندي کاروونکو شکایتونه ترلاسه کړل. د هندي رسنیو په وینا، د کاروونکو لخوا د کوم شکایت ترلاسه کولو پرته 2.4 میلیونه اکاونټونه تړل شوي.
د هندي رسنیو په وینا، د می په میاشت کې، WhatsApp د هندي کاروونکو څخه د حسابونو د تړلو په ګډون د 3,912 شکایتونه ترلاسه کړل، چې 297 یې پروسس شوي.
دا یادونې وړه ده چې په هند کې د WhatsApp کاروونکو شمیر له 50 کروړو کسانو څخه ډیر دی ، پدې توګه WhatsApp په هند کې یو له خورا مشهور پیغام رسولو / زنګ وهلو اپلیکیشنونو څخه دی.
هندي چارواکو ویلي چې د هند حکومت د ټولنیزو رسنیو د کاروونکو د شکایتونو د اوریدو کمیټه (GAC) جوړه کړې چې په انټرنیټ کې د ټولنیزو رسنیو کاروونکو لخوا شریک شوي منځپانګې پورې اړوندې مسلې حل کړي او په دې اړه یو میاشتنی راپور هم خپریږي. د یادونې وړ ده چې دا لومړی ځل نه دی چې واټس اپ په هند کې په یوه میاشت کې په میلیونونو اکاونټونه بند کړي دي، تر دې وړاندې په اپریل میاشت کې هم وټس اپ په هند کې ۷.۴ میلیونه اکاونټونه بند کړي وو.
تگ
