د نړۍ هغه مشهور ځایونه چیرې چې سیلفي اخیستل غیر قانوني دي
که تاسو د ساتیرۍ لپاره ډیرو سفرونو ته ځئ یا د خپلو ملګرو سره له یو عالي ځای څخه لیدنه کوئ، مهمه نده چې تاسو څه کوئ ، تاسو په هغه ځای کې سیلفي اخلئ ترڅو دا شیبه په یاد وساتئ.
د راپورونو له مخې د نړۍ په ډېرو مشهورو سیاحتي ځایونو کې سیلفي اخیستل منع دي، په داسې حال کې چې په ډېرو ځایونو کې د سیلانیانو لپاره ځانګړي قوانین وضع شوي دي. لاندې ځینې مشهور ځایونه دي چیرې چې سیلفي اخیستل تاسو ته ډیر ګران تمامېدای شي.
نیو یارک
که څه هم د امریکا نیویارک ایالت په نړۍ کې یو له سترو سیاحتي ځایونو څخه دی، خو دغه ایالت په ژوبڼ او سرکسونو کې له زمریانو، پړانګانوسره سیلفي اخیستل غیر قانوني ګرځولي دي.
د لندن موزیم برج (برطانیه)
د برتانیا شاهي میوزیم او ماڼۍ چې د لندن د برج په نوم هم یادیږي، په مرکزي لندن کې د تیمس سیند په شمالي څنډه کې موقعیت لري چې ډېر ګران بیه څيزونه په کې پراته دي.
ګیروپ ساحل(فرانسه)
د اوړي په رخصتیو کې د فرانسې په ګاروپ ساحل کې سیلفي اخیستل منع دي. د ساحل چارواکي هڅه کوي په ټولنیزو رسنیو کې د ښودلو پرځای ساحل د سیلانیانو لپاره یو ارام ځای وګرځوي.
سعودي عربستان
د سعودي عربستان په سپېڅلو او مقدسو ځایونو کې د سلفي اخېستل ډېر شوي وو نو اوس يې حکومت پرېکړه کړې چې سلفي اخیستل منع دي.
هسپانیا
د هسپانیا په پامپلونا ښار کې د ځينو سیالیو د خطرناکې شېبو پرمهال د سیلفي اخیستل منع شوي ترڅو سیلانیان خپل ژوند له خطر سره مخ نه کړي.
جابان
د جاپان په لویدیځ کې د اورګاډي په سټیشنونو کې د سیلفي سټیکونو سره سیلفي اخیستل منع دي.
تگ
