د چای نړیوالې ورځې په اړه د کارپوهانو په زړه پورې څیړنه
که چای ته په ټوله نړۍ کې د خوښې څښاک وویل شي، دا به بې بنسټه نه وي. په انګلستان کې دا ملي څښاک ګڼل کیده، خو لکه د "لومړی چرګ پیدا شوی که هګۍ"، پوښتنې په څېر دا مسله لا هم بې ځوابه پاتې ده چې د غوره چایو لپاره، لومړی شیدې او که اوبه اضافه کړو؟.
ساینس پوهانو د چای نړیوالې ورځې په مناسبت د دې بحث د حل کولو ادعا کړې ده.
د لیډز پوهنتون پروفیسور ایلن مکي ادعا کوي چې د چای کڅوړې باندې د شیدو اچول د غوره او ښه چای جوړولو ښه لاره ده.
د دوی اختلافي ادعاوې د څیړنې پراساس دي چې موندلي یې ده چې لومړی د شیدو په اچولو سره له سختو اوبو سره په مقابله کې مرسته کيږي. دا یوه ستونزه ده چې تر نیمایي ډیر برتانویان ترې رنځ وړي ، مګر ایلن ماکي وايي هغه سیمې چې سختې اوبه لري هغوی باید لومړی د شیدو اچولو په لاره غور وکړي.
د INTU په همکارۍ ترسره شوې څیړنې، وښودله چې په سختو اوبو کې منرالونه د خوندور مرکبونو د جوړولو مخه نیسي.
پروفیسور ماکي وايي چې په شیدو کې موجود پروټین د اوبوهغه معدني مواد کموي، چې څښاک ته اضافي خوند ورکوي، په ځانګړې توګه کله چې تاسو سختې اوبه کاروئ.
هغه وویل چې خوند په چای کې د مختلفو مرکباتو څخه راځي، په کوم کې چې په ځانګړې توګه ټینن هم شامل دي.
"څومره چې په اوبو کې منرالونه زیات وي، هغومره د دې مرکباتو د خوند پیدا کول سخت وي، نو ځکه تاسې ته د داسې اوبو په سیمه کې چای خوندور نه وي.
په دودیز ډول د چای جوړولو لپاره، د چای کڅوړې په ګرمو جوش اوبو کې اچول کیږي او شیدې وراضافه کیږي، چې په پایله کې یې مخکې لدې چې خوند رامینځته کړي ټینن بدلیږي.
په هرصورت، که چیرې شیدې په پیل کې اضافه شي، د هغې پروټینونه کولی شي په اوبو کې د ټینینونو او نورو منرالونو د ټینګیدو مخه ونیسي - په پایله کې ډیر ښه خوندور چای په لاس درځي.
سختې اوبه په کلسیم او مګنیزیم کې بډایه دي پداسې حال کې چې نرمې اوبه ډیرې پاکې او له زیان رسوونکو ناپاکیو څخه پاکې دي.
تگ
