-
د هېواد په ختيځ لغمان ولایت کې د الیبال سیالۍ وشوې
ثور 04, 1402 07:26د مهتر لام بابا زيارت په انګړ کې د لغمان د مرکز په ګډون د علينګار، عليشنګ، قرغه يي او بادپښ ولسوالیو منتخبو لوبډلو تر منځ د واليبال سيالۍ ترسره شوې. د دغو سياليو پایلوبې ته د علينګار او بادپښ منتخبو لوبډلو لار ومونده، چې علينګار لوبډلې ٣-٢ خپلې سيالې لوبډلې ته ماته ورکړه.
-
د ننګرهار په ښېرازه خاوره د ښېوې ولسوالۍ کې د والېبال سیالۍ پیل شوې
ثور 04, 1402 07:24په ننګرهار کې د کوچيني اختر په مناسبت د ١٧ لوبډلو ترمنځ د واليبال ټورنمنټ پيل شو. د دغه ټورنمنټ په دوام تېره ورځ دوې لوبې وشوې په لومړۍ لوبه کې بوډيالۍ لوبډلې شګې لوبډلې ته ٢-٠ ماتې ورکړه. دوهمه لوبه د سپين غر او ذاخېلو لوبډلو ترمنځ وشوه چې ٢-٠ سپين غر لوبډلې وګټله. دغه ټورنمنټ به لس ورځې دوام وکړي.
-
په تخار کې د پهلوانۍ سیالۍ ترسره شوې
ثور 04, 1402 07:23د تخار ولايت د درقد ولسوالۍ په کوربتوب د څلورو ولسوالیو د پنځوس تنه پهلوانانو ترمنځ د اختر په مناسبت د پهلواني سيالۍ ترسره شوې. دغه سيالۍ د ينګي قلعه ولسوالۍ پهلوانان په بريا سره پاى ته ورسېدې. په پاى کې غوره ورزشکارانو ته ډالۍ هم ورکړل شوې.
-
په سیدآباد او جغتو ولسواليو کې د واليبال اختريز جام سيالۍ پيل شوې
ثور 04, 1402 07:21د ځوانانو د هڅونې په موخه او ارامه فضا کې په وردګو ولایت کې د ۵۵ لوبډلو ترمنځ د واليبال اختريز جام سيالۍ پيل شوې.
-
د اختر په مناسبت په بلخ ولسوالۍ کې د کورش سيالۍ ترسره شوې
ثور 04, 1402 07:20د بلخ ولایت په بلخ ولسوالۍ کې د کورش فدراسيون رئیس خليل پهلوان او د کورش مسوول ستار پهلوان له لوري د بلخ، چهار بولک، دولت اباد او مرکز مزارشريف ٥٨ پهلوانانو ترمنځ د کورش سیالۍ وشوې. د کورش فدراسيون د مسوولینو په خبره؛ د دې سياليو د ترسره کېدو موخه ورزش ته د ځوانانو هڅول دي. يادي سيالۍ د کورش مينوالو په شتون کې د بلخ ولسوالۍ په ورزشي ميدان کې ترسره شوې.
-
د واليبال اختريز جام سيالۍ په چک ولسوالۍ کې هم پيل شوې
ثور 04, 1402 07:18په میدان وردګو کې د ۵۰ لوبډلو ترمنځ د واليبال اختريز جام سيالۍ پيل شوې.
-
په بغلان کې امیري لوبډلې د رمضان جام فوټسال سیاليو اتلولي په خپل نامه کړه
ثور 04, 1402 07:17په بغلان کې د فوتسال رمضان جام سيالۍ چې د ٢٦لوبډلو په ګډون د فوتسال په جمنازيوم کې پيل شوې وې د اميري لوبډلې په ګټه پاى ته ورسېدې. د دغو سياليو فاينل لوبه د معارف او اميري لوبډلو ترمنځ وشوه چې اميري لوبډلې ٧-٢ خپل سيال ته ماتې ورکړه او د دې سياليو اتلولي يې وګټله.
-
د سمنګان ولایت د کورش سیالیو کوربه و
ثور 04, 1402 07:15د کورش فدراسيون له لوري د مرکز او اووه ګونو ولسواليو لسګونو کورش کارانو ترمنځ تېره ورځ د غويي په لومړۍ د ايبک ښار چمن کې د کورش سيالۍ ترسره شوې. دغه سيالۍ د کوچني اختر نمانځلو او د کورشکارانو ترمنځ د پيوستون او د يو بل منلو په موخه ترسره شوې. په پاى کې اتلو ورزشکارانو ته د ورزش امریت له لوري جايزې او ډالۍ هم ورکړل شوې.
-
پکتيکا؛ په ښرنه کې د کوچني اختر په نوم د نېزې وهنې سيالۍ ترسره شوې
ثور 04, 1402 07:14د پکتيکا ولايت مرکز شرنه کې د ورزش امريت په همغږۍ د نېزې وهنې فدراسیون له لوري د ٣ لوبډلو ترمنځ په ضمير کلا سيمه کې د نېزې وهنې يو ورځنۍ سيالۍ ترسره شوې، چې د اتفاق A لوبډلې په لومړي مقام پاي ته ورسېدې. دغه سیالۍ په کوچني اختر کې د سالمي تفريح برابرولو په موخه ترسره شوې.
-
کندهار؛ د فوټسال رمضان جام سيالۍ د ستاره ګان لوبډلې په اتلولۍ پاى ته ورسېدې
ثور 04, 1402 07:12د کندهار ولایت د بدنې روزنې او سپورټ ریاست له لوري د فوټسال رمضان جام سيالۍ چې د ۱۲۰ لوبډلو ترمنځ په ناک اوټ بڼه سره پیل شوي وې، د ستاره ګان لوبډلې په لومړي مقام ګټلو سره پاى ته ورسېدې.