د ایران سفیر رضا امیري مقدم
د پاکستان د ریل پټلۍ وزیر ایران سره د ګډې سوداګرۍ د کچې د زیاتوالي او د ریل پټلۍ په سکتور کې د دواړو هیوادونو د ظرفیتونو د کارولو پر اهمیت ټینګار وکړ.
دا څرګندونې د پاکستان د ریل پټلۍ وزیر حنیف عباسي او په اسلام آباد کې د ایران سفیر رضا امیري مقدم ترمنځ د یوې لیدنې په ترڅ کې وشوې.په دې لیدنه کې دواړو خواوو هوکړه وکړه چې د روان کال تر پایه پورې د اسلام آباد-تهران-استانبول په لاره کې د ایکو بار وړونکې اورګاډي پیل کړي، چې د اقتصادي همکارۍ سازمان (ایکو) د اورګاډي کرښې په نوم پیژندل کیږي.په دې لیدنه کې د ایران اسلامي جمهوریت سفیر هم پاکستاني لوري ته ایران ته د رسمي سفر بلنه ورکړه، چې د ریل پټلۍ وزیر لخوا یې هرکلی وشو.حنیف عباسي ژمنه وکړه چې په نږدې راتلونکي کې به ایران ته سفر وکړي او د دواړو هیوادونو ترمنځ به د پورته ذکر شویو مسلو په اړه نورې خبرې اترې وشي.
