د ایران ولسمشر مسعود پزشکیان د ترکیې د بهرنیو چارو وزیر هاکان فیدان
قوس 10, 1404 17:40 Asia/Kabul
د ایران ولسمشر مسعود پزشکیان د ترکیې د بهرنیو چارو وزیر هاکان فیدان سره په لیدنه کې د اوسني نړیوال وضعیت حساسیت باندې ټینګار کړی دی.
ښاغلي پزشکیان وویل؛ په داسې وخت کې چې د مسلمانو ملتونو ګډ دښمنان د فشار زیاتولو په لټه کې دي، تمه کیږي چې اسلامي هیوادونه به د یو بل لپاره شرایط اسانه کړي.د ترکیې د بهرنیو چارو وزیر دا هم وویل چې اوس د اسلامي هیوادونو لپاره وخت دی چې د ګډ، مساوي او همغږي عمل سره خپلې همکارۍ زیاتې کړي.په ورته وخت کې د ایران ولسي جرګې مشر محمد باقر قالیباف د ترکیې د بهرنیو چارو وزیر هاکان فیدان سره په لیدنه کې وویل: صهیونیستي رژیم او امریکا د اسلامي هیوادونو د پیاوړتیا، یووالي، ودې، ادغام او پرمختګ مخالفت کوي او هڅه کوي چې د سیمې په هیوادونو کې ناورین رامینځته کړي.
