ایران باندې د برید په اړه د ټرامپ څرګندونو ته غبرګون
د ایران د بهرنیو چارو وزارت ویاند اسماعیل بقايي وویل چې موږ به په نړیواله ټولنه کې د ایران په برید کې د امریکا د ولسمشر د مستقیمې لاسوهنې اعتراف تعقیب کړو.
د ایران د بهرنیو چارو وزارت ویاند وویل چې دا له پیل څخه روښانه وه چې امریکا د ایراني ملت په وړاندې د صهیونیستي رژیم د تیري په جرم کې په بشپړ ډول برخه اخیستې وه.بقايي وویل چې دا اعتراف د ایران په وړاندې د صهیونیستي رژیم غیر عادلانه تیري کې د امریکا د مستقیمې ښکیلتیا او فعالې ملګرتیا یو نه منل کیدونکی ثبوت دی او په ورته وخت کې دا پدې معنی ده چې امریکا د غیرقانوني عمل او نړیوال قانون څخه د سرغړونې مسؤلیت په ښکاره ډول مني.د ایران د بهرنیو چارو وزارت ویاند ټینګار وکړ چې امریکا باید د دې لویې سرغړونې او جدي جرم لپاره مسؤل وګڼل شي.په ورته وخت کې په ملګرو ملتونو کې د ایران استازي هم د ملګرو ملتونو سرمنشي ته په یوه لیک کې د امریکا د حساب ورکولو غوښتنه کړې ده.
