د قزاقستان اقتصاد وزیر سره د سوداګرۍ د وزیر لیدنه
عقرب 07, 1404 16:56 Asia/Kabul
د سرپرست حکومت د صنعت او سوداګرۍ وزیر د قزاقستان د لومړي وزیر مرستیال او د اقتصاد وزیر سره په لیدنه کې د تیلو، غنمو، اوړو او نورو خوراکي توکو سکتورونو کې د همکارۍ پراختیا غوښتنه وکړه.
د صنعت او سوداګرۍ وزارت نن چهارشنبه په یوه خبرپاڼه کې وویل چې نورالدین عزیزي قزاقستان ته د خپل سفر په جریان کې د قزاقستان د لومړي وزیر مرستیال او د اقتصاد وزیر ژومان گارین سره ولیدل.په بیان کې ویل شوي چې دواړو خواوو د سوداګریزو اړیکو په پراختیا او د دوه اړخیزې سوداګرۍ د حجم په زیاتوالي او د همکارۍ د پراختیا غوښتنه یې وکړه.
