د افغان - ټرانس پروژې مخته وړلو لپاره د اسلام آباد ژمنه
عقرب 03, 1404 16:39 Asia/Kabul
د پاکستان لومړي وزیر شهباز شریف پرون د سیمه ییزو ترانسپورت وزیرانو په یوه کنفرانس کې د لویو سیمه ییزو پروژو، په ګډون د افغان - ټرانس ریل پټلۍ د پرمختګ لپاره د اسلام آباد پر ژمنې ټینګار وکړ.
د پاکستان لومړي وزیر وویل چې هیواد یې د چین-پاکستان اقتصادي دهلیز ستراتیژیک پلان دوهم پړاو ته داخل شوی دی.نوموړي زیاته کړه چې پاکستان د اسلام آباد-تهران-استانبول ریل پټلۍ لاره کې هم پانګونه کوي.شریف څرګنده کړه چې پراخه سیمه ییزه اړیکه به نوې سوداګریزې لارې پرانیزي او په ټوله جنوبي او مرکزي آسیا کې به پرمختګ ته وده ورکړي.
