په سپینه ماڼۍ کې د ټرمپ او زیلینسکي ترمنځ سخته غونډه
امریکایي رسنۍ وايي چې د ټرمپ او زیلینسکي ترمنځ ناسته چې تېره شپه په سپینه ماڼۍ کې وشوه، ډېره کړکېچنه وه.
په دې دوه ساعته ناسته کې د امریکا ولسمشر خپل اوکرایني سیال ته خبرداری ورکړ چې له جګړې څخه ځان لرې وساتي او له مسکو سره خبرو اترو ته مخه کړي.ډونالډ ټرمپ ویلي چې اوکراین ته د تاماهوک توغندیو ورکول کولی شي د جګړې د پای ته رسولو هڅې له منځه یوسي.د اوکراین ولسمشر ولادیمیر زیلینسکي د جمعې په ورځ په سپینه ماڼۍ کې د امریکا له ولسمشر ډونالډ ټرمپ سره وکتل ترڅو د متحده ایالاتو لخوا جوړ شوي د اوږد واټن ویشتونکي تاماهوک توغندیو په ګډون د نورو پوځي ملاتړ غوښتنه وکړي، خو د راپورونو له مخې غونډه بې پایلې وه.سي این این وویل چې ټرمپ په مستقیم او ښکاره خبرو اترو کې زیلینسکي ته دا روښانه کړه چې د اوس لپاره د اوکراین مشر به اوږد واټن ویشتونکي توغندي ترلاسه نه کړي.
