SAHAR

د سرپرست حکومت د کورنیو چارو وزارت ویاند د کډوالو له لارې افغانستان ته داعش سره د تړلو کسانو د لیږلو په اړه اندیښنې رد کړې.

عبدالمتین قانع وویل چې د داعش په څیر فتنه ګر عناصر په افغانستان کې په بشپړ ډول کنټرول شوي او جدي اندیښنې شتون نلري.هغه زیاته کړه چې داعش تل له بهر څخه رهبري شوی او له هغه ځایه تنظیم شوی دی. قانع ټینګار وکړ چې دا ترهګره ډله د افغانستان دننه نه رهبري کیږي.د کورنیو چارو وزارت ویاند دا هم وویل چې د حکومت امنیتي جوړښتونه په سرحدونو کې وضعیت په جدي توګه څاري او د کډوالو په پلمه به د نفوذ هر ډول ممکنه هڅه وپیژني او بې طرفه به یې کړي.دا په داسې حال کې ده چې ځینو رسنیو مخکې د ډیپلوماتیکو او امنیتي سرچینو په حواله خبرداری ورکړی و چې داعش کولی شي د کډوالو د راستنیدو څپې د خپلو موخو لپاره وکاروي.