SAHAR

د پاکستان پخواني لومړي وزیر عمران خان ویلي دي چې د محمود خان اڅکزي په مشرۍ یو پلاوی باید د کابل له چارواکو سره د خبرو اترو لپاره افغانستان ته سفر وکړي.

عمران خان په دغه هیواد کې د میشتو افغان کډوالو په وړاندې د پاکستان د حکومت پر پالیسیو، د افغان حکومت ګواښلو او د هیواد په خاوره کې د هوایي بریدونو په ترسره کولو نیوکه وکړه، هغه وویل چې د پاکستان پوځ په خیبر پښتونخوا کې د ترهګرۍ سره د مبارزې په پلمه پوځي عملیات پیل کړي دي.خان دا هم وویل چې د پاکستان د پوځ د مشر په توګه د عاصم منیر له ټاکل کیدو راهیسې، افغانستان سره د هیواد اړیکې خرابې شوې دي.عمران خان ټینګار وکړ چې د پاکستان د پالیسیو له امله، په هیواد کې خلک هرچیرې وژل کیږي. هغه زیاته کړه چې دا چلند هیڅکله سوله نه راولي، مګر تلپاتې سوله تل د خبرو اترو له لارې رامینځته کیږي.