SAHAR

د سرپرست حکومت د بهرنیو چارو وزارت خبر ورکړ چې په کابل کې میشت هندي ډیپلومات د نامطلوب عنصر په توګه نه دی ایستل شوی، بلکې د خپل ماموریت له بشپړولو وروسته له افغانستان څخه وتلی دی.

د سرپرست حکومت د بهرنیو چارو وزارت وویل چې په کابل کې یو هندي ډیپلومات هریش کمار د معمول په څیر او د خپل ماموریت له بشپړولو وروسته له افغانستان څخه وتلی دی.خو په کابل کې ځینو سرچینو مخکې رسنیو ته ویلي وو چې د افغانستان سرپرست حکومت دغه ډیپلومات د حکومت له مخالفو شخصیتونو سره د لیدنې او خبرو اترو له امله له افغانستان څخه ایستلی دی.د هند د حکومت د رسمي اسنادو له مخې، په بهر کې د دې ډیپلوماتانو ماموریت معمولا درې کاله وي او که اړتیا وي نو غځول کیدی شي. خو څیړنې ښیي چې په افغانستان کې د کمار شتون له دریو میاشتو څخه کم وو.