د ښي لاس موټرو پرچلولو بندیز
د سرپرست حکومت د کورنیو چارو وزارت کابل ته د ښي لاس موټرو د ننوتلو او ثبتولو باندې بندیز لګولی دی.
یاد وزارت وايي هغه موټرونه چې دمخه د کابل ولایت ترافیکو ریاست سره راجستر شوي دي یوازې د لنډمهاله پلیټ ترلاسه کولو لپاره کابل ته تللی شي.د کورنیو چارو وزارت نن د شنبې په ورځ په یوه بیان کې وویل د ښي لاس موټرو ټول مالکین چې دمخه یې خپل موټرونه په کابل یا نورو ولایتونو کې ثبت کړي او لنډمهاله سټیکرونه یې ترلاسه کړي دي، په دې توګه خبر ورکول کیږي چې د دې خبرتیا د خپریدو نیټې څخه تر لنډ وخت پورې، دوی اړ دي چې د کابل د ترافیکو ریاست او په ولایتونو کې د ترافیکو مدیریت څخه د خپلو موټرو لپاره د موټر چلولو لنډمهاله جواز او پلیټ ترلاسه کړي.دا په داسې حال کې ده چې د افغانستان موټر کیڼ اړخي دي خو په وروستیو کلونو کې د شرکتونو لخوا هیواد ته د دوهم لاس موټرو ننوتل په لوی شمیر کې وو او په سړکونو او پیښو کې یې هم ننګونې رامنځ ته کړي دي.
