مسکو کې د سفیر په توګه د مولوي ګل حسن معرفي کول
جوزا 14, 1404 17:07 Asia/Kabul
د سرپرست حکومت د بهرنیو چارو وزارت اعلان وکړ چې دوی مولوي ګل حسن په روسیه کې د خپل سفیر په توګه معرفي کړی دی.
د روسیې ټاس خبري اژانس هم راپور ورکړی چې ګل حسن به د روسیې د ویزې ترلاسه کولو وروسته دغه هیواد ته سفر وکړي او د افغانستان په سفارت کې به د سفیر په توګه خپل کار پیل کړي.روسیې په کابل کې د خپل سفیر له لارې د سرپرست حکومت د سفیر د منلو لپاره خپله هوکړه اعلان کړې وه.مسکو مخکې طالبان د ترهګرو ډلو له نوملړ څخه لرې کړي وو، او کابل دا اقدام د دواړو هیوادونو ترمنځ د اړیکو د پراختیا نښه بللې وه.په ورته وخت کې د ډله اییز امنیت تړون سازمان چې مشري یې روسیه کوي په مکرر ډول ویلي چې د منځنۍ آسیا هیوادونو اندیښنه په افغانستان کې د افراطي ډلو شتون دی، هغه ادعا چې سرپرست حکومت یې ردوي.
