SAHAR

د راپورونو له مخې، د خیبر پښتونخوا ایالت په مرکز پېښور کې په یوه چاودنه کې دوه پولیس وژل شوي دي.

دا پېښه د یکشنبې په ورځ ترسره او د راپورونو له مخې درې نور پولیس ټپیان شوي دي.په پاکستان کې سرچینو ویلي چې برید د پیښور ښار په زړه کې یو بازار ته نږدې شوی دی.که څه هم د پاکستان حکومت د دې برید پړه پر ټي ټي پي اچوي، خو په رسمي ډول کومې ډلې د دې برید مسؤلیت نه دی منلی.په تیرو دوو کلونو کې په پاکستان کې امنیتي وضعیت په چټکۍ سره خراب شوی دی، چې په سلګونو امنیتي ځواکونه پکې وژل شوي دي.