د افغانستان د ښځینه کرکټ ملي لوبډلې د سیالیو پیل
دلو 11, 1403 17:20 Asia/Kabul
د افغانستان د ښځینه کرکټ ملي لوبډلې نن په آسټرالیا کې له بې پولې کرکټ لوبډلې سره لوبه وکړه
دغه لوبه د میلبورن په جانکشن اووال لوبغالي کې ترسره شوه.دغه لوبډله له درې کلن ځنډ وروسته، په جلاوطنۍ کې دا شل اوریزه لوبه ترسره کوي.د افغانستان د ښځینه کرکټ ملي لوبډله د سرپرست حکومت له خوا منحل شوې او هغوی ته د لوبې اجازه نه ده ورکړل شوې.له دې سره، دغه لوبډله له افغانستانه بهر په ځانګړې توګه په اسټرالیا کې خپلو لوبو ته دوام ورکوي.
