د کرکټ ملي ټیم نوملړ اعلان
جدی 24, 1403 16:54 Asia/Kabul
د افغانستان کرکټ بورډ د نړیوال جام لپاره د ملي لوبډلې د لوبغاړو نوملړ اعلان کړ.
په دې لېست کې حشمت الله شهیدي د افغان ملي لوبډلې د کپتان په توګه غوره شوی دی.ټاکل شوې ده چې دا سیالۍ د پاکستان په دوو ښارونو، کراچۍ او لاهور کې ترسره شي.افغانستان په دې سیالیو کې په داسې وخت کې ګډون کوي چې د برتانیا د پارلمان لسګونو غړو په نړیوالو سیالیو کې د افغانستان د کرکټ د ملي لوبډلې د لوبو د لغوه کولو غوښتنه کړې ده.خو د کرکټ نړیوالې شورا دا غوښتنه رد کړه او وویل چې د افغانستان وضعیت له نږدې څاري خو د افغانستان د کرکټ ملي لوبډلې سره به خپلې همکارۍ ته دوام ورکړي.افغانان د خپل هیواد د کرکټ له ملي لوبډلې څخه لوړې هیلې لري او تمه لري چې په پاکستان کې نړیوال جام څخه ښې پایلې ترلاسه کړي.
