د خپلو سیالانو پر وړاندې د فراه د عدالت او عینومینې بریا
د افغانستان د اتلانو لیګ د نهمې اونۍ په وروستۍ لوبه کې او د لاندې لوبډلو د سیالیو په لړ کې، پرون د فراه عدالت ټیم او د سرپل خدیم ایف سي لوبډلې یو له بل سره مخامخ شوې.
په دې لوبه کې د فراه عدالت ټیم په پنځو ګولونو سره خدیم ته ماتې ورکړه او شپږ امتیازه يې ترلاسه کړل. د عدالت ټیم لپاره علم ګير علي خان، شايق دوست، حسيب احمد خان، محمد مقدم او سميع الله نادري ګول ترسره کړ.پرون هم په یوه بله لوبه کې د کندهار عینومېنې لوبډلې د کابل استقلال لوبډلې سره لوبه وکړه. په دې لوبه کې د عینو مېنې لوبډلې وکولای شول چې د احمدنبي مقدس په ګولونو سره د دوه پر یو په پایلې سره د استقلال لوبډلې ته ماتې ورکړي.که څه هم عینو مېنې په دې بریا سره لس امتیازه ترلاسه کړل، خو بیا هم د سیالیو په جدول کې د یوولسو نمرو په لرلو سره د کابل له استقلال څخه وروسته پاتې شو.د سیالیو په جدول کې د نهمې اونۍ تر پایه، د ابو مسلم او اټک انرژۍ لوبډلې د پنځه ویشتو امتیازونو په لرلو سره په لومړي او دویم ځای کې دي
