SAHAR

په ننګرهار ولایت کې د هند د کونسلګرۍ د کارکوونکو پر موټر د وسله والو په برید کې یو تن وژل شوی او دوه نور ټپیان شوي دي

دغه پېښه د جلال اباد ښار منډوي بازار ته څېرمه رامنځته شوې ، برید د عبدالودود شیرزاد پر موټر شوی، چې له امله يې ساتونکی وژل شوی او نوموړی او يو بل کارکوونکی ټپيان شوي دي.د پاکستان حکومت ته نږدې رسنیو ویلي چې د دې برید موخه په افغانستان کې د هند جاسوس عبدالودود شیرزاد و.تر دې مخکې هم په افغانستان کې د هند سفارت او قونسلګرۍ پر کارکوونکو تورونه لګول شوي وو.تر دې دمه ددې برید پړه چا په غاړه نده اخیستې خو پخوا په ننګرهار کې د دا ډول بریدونو تر شا د پاکستان استخباراتو رول درلود