د افغانستان او زیمبابوې ترمنځ سیالي
قوس 28, 1403 16:42 Asia/Kabul
د افغانستان او زیمبابوې د کرکټ دوهمه یوورځنۍ سیالي سبا ترسره کېږي
د افغانستان او زیمبابوې د کرکټ ملي لوبډلو ترمنځ د درېیو یوورځنیو سیالیو دویمه لوبه به سبا د هراري په ورزشي کلپ کې ترسره شي. په پام کې ده چې دغه لوبه د کابل پر وخت د غرمې په دولسو بجو پیل شي.د دواړو لوبډلو ترمنځ لومړۍ لوبه د سې شنبې په ورځ د باران له امله لغوه شوه. د افغانستان لوبډلې پچه ګټلې وه او توپ اچونه یې غوره کړې وه، خو د سخت باران له امله داسې مهال لوبه لغوه شوه چې په لسم اور کې زیمبابوې د پنځو لوبغاړو د سوځېدو په بدل کې څلورڅلوېښت منډې کړې وې.د دواړو لوبډلو ترمنځ درېیمه یوورځنۍ سیالي به د شنبې په ورځ ترسره شي
