له زمبابوې د لوبلړۍ تر ګټلو وروسته تود هرکلی
قوس 26, 1403 16:46 Asia/Kabul
د زمبابوې پر وړاندې د افغانستان د کرکټ د ملي ټیم بریا د کرکټ مینوالو او یو شمیر سیاسي څیرو له تود هرکلی سره مخ شوې ده.
د افغانستان پخواني ولسمشر حامد کرزي کرکټ ملي لوبډلې ته د بریا د مبارکۍ تر څنګ د لا بریالیتوب هیله کړې ده.بل پلو، په ملګرو ملتونو کې د افغانستان د دایمي استازولی سرپرست نصیر احمد فایق پر خپل ټویټر افغان کرکټ ملي لوبډلې له زمبابوې څخه د لوبې د ګټلو مبارکي ورکړې ده.افغان کرکټ ملي لوبډلې له زمبابوي څخه د شلو اورونو لوبلړۍ، د شنبې په ورځ په وروستۍ لوبه کې د دریو ویکټو په توپیر وګټله.زمبابوې د لوبلړۍ لومړی لوبه ګټلې وه، خو دویمه او دریمه یې افغانستان وګټلې
