په کراچۍ کې خونړیزه چاودنه
میزان 16, 1403 17:28 Asia/Kabul
د پاکستان په کراچۍ ښار کې د محمد علي جناح هوايي ډګر ته څېرمه یوې زورورې چاودنې درې چینایان وژلي او اوه لس نور یې ټپیان کړي دي.
پاکستاني رسنیو ویلي چې ، برید د یوه ریموټ کنټرول ماین په وسیله شوی دی.په پاکستان کې د چین سفارت هم په دغه برید کې د درېیو چینایانو وژل کېدل منلي او د پاکستان پر حکومت یې غږ کړی چې د خپلو اتباعو د امنیت د تامین لپاره لا زیاتې هڅې وکړي.د سیند ایالت د کورنیو چارو وزیر ضیاء الحسن ویلي، په چاودنه کې اوه موټر، دوه ریکشا او دوه موټرسایکلونه ویجاړ شوي دي.د بلوچ بیلتون غوښتونکو په نوم یوې ډلې د دې چاودنې مسوولیت منلی دی.دغه ډله وايي، د پاکستان حکومت په بلوچستان ایالت کې د شته کانونو او د انرژۍ د زېرمو په وېش کې عادلانه نه دی.
