د انارو د اوبو لومړۍ جوپه له هرات څخه امریکا ته ولېږل شوه
له هرات ولایت څخه په افغانستان کې د تولیدو شویو د انارو د نوشابو لومړۍ جوپه امریکا ته صادر شوه.
له افغانستانه د امریکا تر وتلو دوه کاله وروسته دا لومړی ځل دی چې د افغانستان سوداګریز توکي امریکا ته صادرېږي.
خو د امریکا د سوداګرۍ ادارې په رسمي وېبپاڼه کې راغلي چې افغانستان په دوه زره نولسم میلادي کال کې د اوه سوه اوه نوي میلیونه ډالرو په ارزښت د دوه اړخیزه سوداګرۍ په لرلو سره د امریکا یو سل او پنځم سوداګریز شریک دی.
د افغانستان د سوداګرۍ او پانګونې خونې چارواکي وايي، په افغانستان کې تولید شوې نوشابې د سیمې په هېوادونو کې هم ښه بازار لري او له شاوخوا پنځو کلونو راهیسې یې د صادراتو لړۍ پیل شوې ده.
ویل کیږي چې د کابل او هرات په ګډون د افغانستان په فابریکو کې د بېلابېلو نوشابو له پنځوسو څخه تر شپیتو کانټینرونه د منځنۍ اسیا ځینو هېوادونو او پاکستان ته صادرېږي.
تگ
