SAHAR

میلاد احدي، د ازادو سیالیو افغان لوبغاړي، تېر ماښام په دوه یم پړاو کې خپل برازیلی سیال ته ماتې ورکړه.

د کیج وارییرز سازمان د معلوماتو له مخې، میلاد احدي له خپل برازیلي سیال مارکونډوس بیستوس سره د کارډیف ویلز په ښار کې سیالي کړې، چې میلاد په دوه یم پړاو کې خپل سیال مات کړ او په همدې سره يې په ازادو سیالیو کې د بریاوو شمېر شپږو ته لوړ کړ.تر دې مخکې میلاد احدي په خپلو سیالیو کې پنځه بریاوې او یوه ماتې خوړلې وه.د دغه افغان لوبغاړي په برازیلي سیال بیستوس پسې څلور بریاوې او څلور ماتې ثبت وې او په دې لوبه کې له ماتې سره یې د ماتې شمېر پنځو ته ورسېد.میلاد احدي تر دې وړاندې هم د کیج وارییرز په سازمان کې دوه لوبې کړي او په دواړو سیالیو کې ګټونکی پېژندل شوی.