SAHAR

د غزني ولايت د جاغوري ولسوالۍ د اتلس کلنو کم عمره فوټبال سيالۍ چې د جوزا په درېيمه پيل شوې وې، پای ته ورسېدې او د استاد شريفي لېسې د فوټبال لوبډلې په کې اتلولي ګټلې.

دغه لوبلړۍ د جاغوري ولسوالۍ د فوټبال د مسوولانو له خوا د ځوانانو د فوټبال د پیاوړتیا په موخه په طبیعي چمن کې د شلو لوبډلو په ګډون جوړه شوې وه.دغو لوبډلو په څلورو څلور ګروپيزو ډلو کې یوه له بل سره سیالۍ وکړې چې په پای کې د استاد شریفي عالي لېسې د فوټبال اتلس کلنو لوبډلو او د امید کلاندو فوټبال لوبډلو خپلو سیالانو ته په ماتې ورکولو سره پای لوبې ته لاره ومونده. په پایلوبه کې د استاد شریفي لېسې لوبډلې خپل سیال ته د اته پر دوه په توپیر سره ماتې ورکړه او د لوبلړۍ اتلولي يې په خپل نامه کړه.