SAHAR

دواړو لوریو په افغانستان کې د پولیو د له منځه وړلو په اړه خبرې کړي. د افغانستان د عامې روغتیا وزیر له خپل سعودي سیال سره په کتنه کې په افغانستان کې د پولیو د له منځه وړلو په اړه خبرې وکړې.

ډاکټر قلندر عباد په مکه مکرمه کې له عبدالرحمن الجلاجل سره په کتنه کې د افغانستان د روغتیايي پرسونل د وړتیاوو د لوړولو په اړه هم خبرې وکړې.افغانستان او پاکستان یوازیني هیوادونه دي چې پولیو پکې له منځه نه ده تللې. د خپرو شویو راپورونو له مخې، په روان کال کې د پولیو لومړۍ مثبته پېښه په ننګرهار ولایت کې ثبت شوې ده. تېر کال په پکتیکا او کونړ کې د پولیو دوه پېښې ثبت شوې وې.روغتیايي کارپوهان وايي، پولیو یوه وژونکې او معیوبونکې ناروغي ده او د مخنیوي یوازینۍ لار یې له پنځو کلونو کم عمره ماشومانو ته د پولیو ضد واکسین تطبیق دی.