SAHAR

د کرکټ نړیوالې شورا د دوه زره درویشتم کال د کرکټ نړیوال جام سیالیو مهالویش اعلان کړ او د افغانستان د کرکټ ملي لوبډلې د لوبې مهالویش هم ټاکل شوی.

د اعلان شوي مهالویش له مخې به د افغانستان د کرکټ ملي لوبډله خپله لومړۍ لوبه د میزان میاشتې په پنځلسمه نېټه د بنګله دېش پر وړاندې ترسره کړي.افغانستان به د کرکټ په نړیوال جام کې له هند، انګلستان، نیوزیلنډ، پاکستان، اسټرالیا او سویلي افریقا له لوبډلو سره هم مخامخ شي.دا د پنځوس اوریزه یا یو ورځني کرکټ نړیوال جام دیارلسمه دوره سیالي ده، چې په هند کې د میزان له دیارلسمې څخه د عقرب تر اتمې نېټې پورې ترسره کېږي.په دغو سیالیو کې به لس لوبډلې برخه واخلي او نږدې پنځوس لوبې به په دغو سیالیو کې ترسره شي.د کرکټ پنځوس اوریزه نړیوال جام په هرو څلورو کلونو کې یو ورا ترسره کیږي.