فوټبال: د افغانستان تنکیو ځوانانو له ایرانۍ لوبډلې ماته وخوړه
پرون ماښام زموږ د هېواد د فوټبال د اووه لس کلنو لوبغاړو ملي لوبډلې د اسيا د اووه لس کلنو لوبغاړو جام په سياليو کې په خپله لومړۍ لوبه کې د ايران له ملي لوبډلې سره مخ شو.
دغه لوبه د تایلنډ د بنکاک ښار په راجامانګالا لوبغالي کې ترسره شوه. دا لوبه په پای کې د شپږ پر یو په پایلې سره د ایران د تنکیو ځوانانو د ملي لوبډلې په ګټه پای ته ورسېده.د افغانستان اووه لس کلنه لوبډله به سبا د سویلي کوریا او د پنجشنبې په ورځ له قطر سره لوبه کوي.د اسيا د ځوانانو د ملتونو جام سيالۍ به د لویانو د ډلګیو په څېر په څلورو ګروپونو کې د شپاړسو لوبډلو په ګډون ترسره شي. په پای کې، له هر ګروپ څخه به دوه لوبډلې د اتلولۍ حذفي پړاو ته لاړ شي، او په وروستي پړاو کې به غوره څلور لوبډلې د آسیا فوټبال د استازو په توګه نړیوال جام ته ځي.د اوولس کلنو فوټبال نړیوال جام به د دوه زره درویشتم کال د نومبر له لسمې نېټې څخه د دسمبر تر دوه یمې پورې په پیرو کې ترسره شي.
تگ
