SAHAR

د افغانستان کرکټ بورډ د معلوماتو له مخې نن د افغانستان او بنګله‌دېش ترمنځ د کرېکټ ټېسټ لوبه روانه ده.

د دغې لوبې پچه افغانستان ګټلې وه خو لومړی یې د توپ اچونې پرېکړه وکړه. د بنګله دیش لوبډلې په اتیایم اور کې د پنځولوبغاړو په سوځېدو درې سوه دوه شپېته منډې کړې دي. کرېکټ بورډ په داسې حال کې دا لوبه مهمه بولي، چې د افغانستان کرکټ ملي لوبډلې شپږ ټیسټ لوبې کړي چې درې یې ګټلي دي.د هېواد د کرکټ بورډ ویاند سید نسیم سادات ویلي دي چې تمه ده افغانستان به دغه لوبه هم وګټي.د ویلو ده چې د افغانستان کرکټ ملي لوبډلې په دوه زره نولسم کال کې هم د بنګله دېش پر وړاندې ټیسټ لوبه کړې وه چې ګټلې يې هم وه.افغانستان او بنګله دېش به درې یو ورځنۍ یا پنځوس اوریزې او دوه شل اوریزې لوبې هم ترسره کړي، چې لومړۍ یو ورځنۍ لوبه به د جولای په پنځمه ترسره شي.