SAHAR

د ایران ولسمشر ابراهیم رئیسي د یوه سیاسي او اقتصادي پلاوي په مشرۍ لاتینې امریکا ته تللی.

د ابراهیم رئیسی د دغه سفر موخه د ایران د اسلامی جمهوریت له ملګریو هېوادونو سره د اړیکو ټینګول دی.د ایران ولسمشر به په دغه پنځه ورځني سفر کې په لاتینې امریکا کې وینزویلا، نیکاراګوا او کیوبا ته ولاړ شي چې د هغه د پنځه ورځني سفر لومړی ځای کاراکاس دی.په پام کې ده چې د ایراني چارواکو او دغو درېیو هېوادونو ترمنځ په بېلابېلو برخو کې د همکارۍ سندونه لاسلیک شي.له ځايي او ايراني سوداګرو او اقتصادي فعالانو سره ليدنه به دغې سيمې ته د ايران د ولسمشر د پنځه ورځني سفر له نورو پلانونو څخه وي.