د بایرن مونیخ فوټبال لوبډلې د یو پر صفر پایلې سره فریبورګ ته ماتې ورکړه
د جرمني د بونډسلیګا د اووه ویشتمې اونۍ د سیالیو په دوام کې، د بایرن مونیخ فوټبال لوبډلې د یو پر صفر په پایلې سره فریبورګ ته ماتې ورکړه.
د ماتیس ډیلیچټ یواځینی ګول په یوپنځوسمه دقیقه کې د بایرن لوبډلې د اووه لسمې بریا لامل شو، چې دغه لوبډله د آته پنځوس نمرو په لرلو سره د جدول په سر کې پاتې شي.
په یوه بله مهمه لوبه کې دوهم مقام لرونکې بوروسیا دورتموند د دوه پر یو په توپیر خپل نږدې تعقیبوونکي یونین برلین ته ماتې ورکړه. دالین په آته ویشتمه دقیقه کې او موکوکو په نهه اویایمه دقیقه کې د بوروشیا دورتموند لپاره ګولونه وکړل او برنز په یوشپېتمه دقیقه کې د یونین برلین لپاره یوازینی ګول وکړ.
د دې لوبې په پایله کې، دورتموند شپږ پنځوس امتیازه ترلاس کړل، ترڅو د دې ټیم او بایرن میونخ ترمنځ دوه امتیازي واټن وساتل شي. یونین برلین لاهم په یوپنځوسو نمرو سره په دریم ځای کې دی.
تگ
