په دې پېښه کې ۲۱ تنو خپل ژوند له لاسه ورکړی او ۱۱ ټپیان شوي
په هلمند کې ترافيکي پېښه
حوت 27, 1402 13:50 Asia/Kabul
د هلمند ولایت په ګرشک ولسوالۍ کې د یوې ترافیکي پېښې له امله یو ویشت تنو خپل ژوند له لاسه ورکړی او یولس تنه نور ټپيان شوي دي.
نن سهار د کندهار – هلمند پر لویه لار یو مسافر وړونکی بس د تیلو له یوه ټانکر او موټرسایکل سره ټکر شوی دی.
په دې پېښه کې بس موټر اور اخیستی او ګڼ شمېر سپرلۍ یې سوځېدلي دي.
میلي ټلویزیون ویلي، چې ټپیان د ګرشک او لښکرګاه روغتونونو ته د درملنې په موخه لیږدول شوي دي.
د موټر چلوونکو له خوا د ترافیکي قوانینو نه مراعتول او د سړکونو تنګوالی په هېواد کې د ترافیکي پېښو له عمده عواملو څخه بلل کېږي.
د یادونې وړ ده چې د کب مباشتې په دوهمه نیټه د کندهار-هلمند پر لویه لار په یوې ترافیکي پېښه کې دوو میرمنو خپل ژوند له لاسه ورکړی وو او لس تنه نور ټپیان شوي وو.
تگ
