تاجیکستان پوسته های مرزی خود با افغانستان را افزایش می دهد
خیرالدین عثمان زاده” رئیس مرکز تحقیقات راهبردی ریاست جمهوری تاجیکستان دیروز( شنبه) اعلام کرد، این کشور تعداد پاسگاه های مرزی با افغانستان را به بیش از ۱۰۰ پاسگاه افزایش داده است. “خیرالدین عثمان زاده” افزود، پس از روی کار آمدن طالبان در افغانستان و افزایش تهدیدات از سوی این کشور، تاجیکستان کنترل مرزها را تقویت کرده و افزایش شمار پاسگاه ها در همین راستا بوده است.
عثمان زاده افزود: «با توجه به همسایگی که با افغانستان داریم، همکاری های اقتصادی را متوقف نخواهیم کرد، زیرا حمایت تاجیکستان از مردم افغانستان در درجه اول به تقویت همکاری های اقتصادی بستگی دارد». این مقام تاجیکستانی بار دیگر بر ضرورت ایجاد حکومت فراگیر با رعایت حقوق زنان و دختران در کار و تحصیل در افغانستان از سوی طالبان تاکید کرده و افزوده، که این خواسته ی تقریباً همه کشورهای جهان است.
تگ
