طالبان: قاچاقچیان انسان باید دستگیر شوند
وزارت امور خارجه طالبان در پیامی از نهادهای بین‌المللی به ویژه کشورهای میزبان خواسته است که قاچاقچیان انسان را دستگیر و به پنجه قانون بسپارند.
در پیام این وزارت آمده است: به تاریخ ۱۷ فبروری سال‌جاری، 18 تن از اتباع افغانستان که در یک واسطهٔ نقلیهٔ سربسته در سرک حلقوی شهر صوفیه، پایتخت بلغاریا برای سه روز گیرمانده بودند، در اثر گرسنگی، تشنگی و کمبود آکسیجن جان باختند و شمار دیگری از آنان به شفاخانهٔ مرکزی شهر منتقل شدند که وضعیت صحی آنان قناعت بخش است.
به گفته منبع، وزارت خارجه طالبان از «همه افغانان خواسته است که زندگی خویش را با انتخاب راه‌های غیرقانونی و قاچاقی مهاجرت به خطر نیندازند.»
این وزارت همچنین از تمامی نهادهای بین‌المللی به ویژه کشورهای میزبان خواسته است که قاچاقچیان انسان را که همواره باعث جان باختن انسان‌ها می‌شوند، دستگیر کنند و به پنجه قانون بسپارند.
تگ
