تیم ملی فوتسال افغانستان قرقیزستان را شکست داد
اسد 01, 1402 18:13 Asia/Kabul
تیم ملی فوتسال افغانستان در نخستین دیدارش در رقابتهای مرکز آسیا (کافا)، در برابر تیم ملی فوتسال قرقیزستان پیروز شد. این دیدار که روز یکشنبه، ۳۱ سرطان، در شهر دوشنبه، پایتخت تاجیکستان برگزار شده بود، افغانستان با نتیجه ۵ بر ۴ بر حریفش غلبه کرد. این دیدار در حالی که بازی تا اخرین دقایق ۴ بر ۴ مساوی دنبال میشد، اما ملی پوشان افغانستان آخرین ضربه را داخل دروازه حریفشان کردند تا نخستین بازی را با پیروزی آغاز کنند.
رقابتهای فوتسال مرکز آسیا از اول تا هشتم ماه جاری به میزبانی تاجیکستان برگزار شده است.
در این رقابتها تیمهای ملی فوتسال افغانستان، اوزبیکستان، ایران، قرغیزستان، تاجیکستان و ترکمنستان حضور دارند و با هم رقابت خواهند کرد.
قرار است ملی پوشان افغانستان در دومین دیدارشان فردا (۲ اسد) به مصاف اوزبیکستان بروند.
تگ
