SAHAR

شماری از پناهجویان افغان گفته اند که با وجود داشتن مدارک شناسایی معتبر از کمیساریای عالی پناهندگان سازمان ملل اما دولت تاجیکستان آنها را در فهرست اخراج اجباری قرار داده اند.

به گزارش تلویزیون سحر افغانستان، شماری از پناهجویان افغانستانی می گویند که دولت تاجیکستان با برخورد خشونت آمیز و باوجودی که مدارک شناسایی قانونی دارند، دست به اخراج آنها زده است.

این پناهجویان تاکید کردند که تمام دارایی‌های آن‌ها در تاجیکستان مصادره شده است.

گروهی از پناهجویان افغان در شهر دوشنبه نیز با راه اندازی یک هشتگ در شبکه‌های اجتماعی خواستار توقف اخراج اجباری از تاجیکستان شدند.

کمیساریای عالی سازمان ملل در امور پناهجویان اوایل سنبله در واکنش به اخراج اجباری پناهجویان افغان از تاجیکستان، با انتشار بیانیه‌ای از دولت دوشنبه خواست این روند را متوقف کند.

انتهای پیام.