صادرات ۳۳ میلیون دالری انار افغانستان
جدی 02, 1403 18:26 Asia/Kabul
سخنگوی وزارت صنعت و تجارت حکومت سرپرست افغانستان از صادرات حدود ۶۳ هزار تن انار افغانستان در ۸ ماه گذشته به ارزش ۳۳ میلیون دالر خبر داد.
به گزارش سحر افغانستان آخوندزاده عبدالسلام جواد سخنگوی وزارت صنعت و تجارت حکومت سرپرست افغانستان شنبه‌شب ۱ جدی، گفت: صادرات انار افغانستان طی هشت ماه سال جاری حدود ۶۳هزار تُن بوده که ارزش پولی آن به ۳۳.۳ میلیون دالر می‌رسد.
وی فزود: این مقدار انار به کشورهای هند، پاکستان، تاجیکستان، ترکمنستان، عراق، امارات متحده عربی، قزاقستان و اوزبیکستان صادر شده است.
به گفته آخوندزاده بیشترین صادرات انار به کشورهای پاکستان، هند، تاجیکستان، اوزبیکستان و ترکمنستان صادر شده‌اند.
انار افغانستان به عنوان یکی از بهترین محصولات این کشور یکی از پرطرفدارترین میوه‌های جهان شناخته می‌شود.
تگ
