چین سطح هشدار امنیتی را برای اتباع خود در تاجیکستان بالا برد
سفارت چین در تاجیکستان پس از آن که در یک هفته گذشته پنج شهروند این کشور در حملات مرزی کشته شدند، از شهروندان خود خواست فوراً مناطق مرزی با افغانستان را ترک کنند.
سفارت چین در تاجیکستان اعلام کرد که شهروندان این کشور یکشنبه در یک حمله مسلحانه در نزدیکی مرز افغانستان هدف قرار گرفتند.
پیشتر نیز در حملهای دیگر که روز جمعه رخ داد، سه شهروند چینی کشته شدند. مقامات تاجیکستان درباره حمله نخست گفتهاند که با استفاده از پهپادهایی که نارنجک پرتاب میکردند، انجام شده است.
دفتر مطبوعاتی ریاستجمهوری تاجیکستان اعلام کرد که «امامعلی رحمان» رئیسجمهور این کشور، اقدامات غیرقانونی و تحریکآمیز از افغانستان را محکوم کرده و دستور داده است که اقداماتی مؤثر برای جلوگیری از تکرار چنین حوادثی انجام شود.
با این حال، وزارت خارجه حکومت سرپرست نیز کشته شدن دو شهروند چینی در مرز تاجیکستان را محکوم کرده و گفته است که بر اساس ارزیابی اولیه، این حادثه توسط گروههایی رخ داده که در تلاش برای ایجاد هرج و مرج و بیثباتی در منطقه هستند.
تگ
