طالبان: کشورهای همسایه بالگردهای افغانستان را بازگردانند
وزارت دفاع طالبان بار دیگر تاکید کرد که کشورهای تاجیکستان و ازبکستان بالگردهای افغانستان را به این کشور بازگردانند.
به گزارش تلویزیون سحر افغانستان، «عنایت الله خوارزمی» سخنگوی وزارت دفاع طالبان اعلام کرد که کشورهای تاجیکستان و ازبکستان باید هواپیماهای نظامی را به افغانستان بازگردانند.
این در حالی است که آمریکا چندی قبل گفته بود هواپیماهای نظامی را به طالبان تحویل نخواهد داد.
خوارزمی همچنین اظهارداشت که این بالگردها سرمایه مردم افغانستان است بنابراین تاجیکستان و ازبکستان باید آنها را تحویل دهند.
با این حال، برخی کارشناسان بر این باورند، تا زمانی که حکومت طالبان به رسمیت شناخته نشوند، استرداد این بالگردها ناممکن است.
طالبان گفته است که بیش از 40 بالگرد افغانستان در هنگام سقوط دولت پیشین از سوی نظامیان حکومت پیشین به تاجیکستان و ازبکستان منتقل شده و از این کشورها همواره خواسته است که این بالگردها را به افغانستان استرداد کنند.
انتهای پیام.
