مجاهد: امنیت مرزهای افغانستان با همه کشورها تامین است
حکومت سرپرست افغانستان در واکنش به اعلامیه‌ای وزارت خارجه تاجیکستان می‌گوید که امنیت مرزی میان افغانستان و تمام کشورهای هم‌مرز به ویژه تاجیکستان تامین است.
ذبیح‌الله مجاهد سخنگوی حکومت سرپرست افغانستان می گوید هیچ تهدید مرزی از خاک افغانستان در برابر کشورهای همسایه وجود ندارد. آقای مجاهد افزود که حکومت سرپرست هرگز اجازه نمی‌دهد تا از خاک افغانستان در برابر کشورهای همسایه کار گرفته شود.
سخنگوی حکوت سرپرست تصریح کرد: «از خاک افغانستان بر هیچ همسایه ما ان‌شاءالله مشکلاتی متوجه نخواهد شد به ویژه همسایه‌های ما که در شمال واقع هستند گاهی اوقات تشویش‌های که پیدا می‌شود از طرف تاجیکستان درست نیست حکومت سرپرست تلاش‌های خود را دارد که با تمام کشورها از جمله تاجیکستان روابط خوبی را احیا کند تا اعتماد در میان باشد و احساس نشود که افغانستان خطر است.»
پیش از این، وزارت خارجه تاجیکستان پیش‌نویسی را برای تقویت مرز اش به سازمان پیمان امنیت جمعی ارایه کرده بود.
وزارت خارجه تاجیکستان در نشست نماینده‌های وزارت‌خانه‌ها و ادارات کشورهای عضو سازمان پیمان امنیت جمعی که در مسکو برگزار شده بود، پیش‌نویسی را به این سازمان ارایه کرده که این پیش‌نویس در تقویت امنیت مرزی میان کابل و دوشنبه تاثیرگذار است.
تگ
