وزارت مخابرات: در حکومت طالبان 800 هزار نفر به شمول کارمند علاوه بر کارمندان حکومت پیشین مشغول به کار هستند
حوت 07, 1401 12:06 Asia/Kabul
نجیب الله حقانی، سرپرست وزارت مخابرات و تکنالوژی معلوماتی طالبان ادعاها درباره انحصار حکومت را رد کرده و می‌گوید که نزدیک به ۸۰۰ هزار تن در حکومت سرپرست این گروه کار می‌کنند.
به گزارش تلویزیون سحر افغانستان و به نقل از طلوع نیوز، نجیب الله حقانی که در همایش «دینی – علمی برای استادان دانشگاه‌های خصوصی» سخن می‌زد، می‌گوید که کارمندان حکومت پیشین نیز و در این میان این ۸۰۰هزار تن، شامل‌اند.
حقانی گفت: «اگر به وضعیت کنونی در این حکومت نگاه کنیم شماری آن را به طرف انحصار، شماری هم به سوی ضعیف بودن و شماری دیگر نیز به یک سمت نسبت می‌دهند اما ما نزدیک به ۸۰۰هزار تن را در تشکیل حکومت داریم.»
گفتنی است پیش از این برخی مقامات طالبان از آنچه که انحصاری شدن قدرت نام برده‌اند شکایت کرده‌اند.
انتهای پیام
تگ
