د پاکستان بهرنیو چارو وزارت د امریکا د ولسمشر جوبایډن د ورستیو څرګندونو په غبرګون کې په اسلام اباد کې د امریکا سفیر وربللی دی.

د امریکا ولسمشر د تېرې پنجشنبې په ورځ د ډیموکرات ګوند د دوره ای ټاکنو کمپاین پرمهال ویلي وو چې پاکستان شاید د نړۍ تر ټولو خطرناک هېواد وي ځکه چې ددغه هېواد اټومي وسلې خوندي نه دي. د پاکستان د بهرنیو چارو وزیر بلاول بوټو زرداری په کراچۍ کې د يوې خبري غونډې پرمهال ویلي چې د امریکا د ولسمشر خبرې ورته جالبې او حیرانوونکې دي.