په مکسیکو کې د تېرې اونۍ راهیسې پیل شوي سختو بارانونو او سیلابونو لږترلږه څلور شپېته کسان وژلي دي.

چارواکو ویلي چې پنځه شپېته نور کسان ورک دي.درنو بارانونو د مکسیکو په ځینو برخو کې د ځمکې ښویدنې او سیلابونو لامل هم شوي، چې پلونه یې ویجاړ کړي او سړکونه یې د کثافاتو سره تړلي دي.د مکسیکو رسنیو راپور ورکړی چې په وروستیو کلونو کې د سیلابونو تر ټولو ناوړه ناورین دوه لک پنځوس زره خلک اغیزمن کړي او پنځوس زره کورونه یې زیانمن کړي دي.سیمه ییزو چارواکو هم د ډنګي تبې د خپریدو احتمال په اړه اندیښنه څرګنده کړې ده.