د صنعت او سوداګرۍ وزارت ویاند اخوندزاده عبدالسلام جواد د روان کال په لومړیو اتو میاشتو کې د تیر کال د ورته مودې پرتله د افغانستان د وچو میوو صادراتو کې د زیاتوالي خبر ورکړ.

ښاغلي جواد وویل چې په دې موده کې دوه سوه دوه ویشت میلیون ډالرو څخه ډیر ارزښت لرونکي وچې میوې مختلفو هیوادونو ته صادر شوي دي.دا په داسې حال کې ده چې د تیر کال په لومړیو اتو میاشتو کې، د وچو میوو صادرات شاوخوا یو سل او نهه اویا ملیون ډالر وو.د یادونې وړ ده چې وچې او تازه میوې د افغانستان د صادراتي توکو لویه برخه جوړوي.