د یوناما په دفتر د برید اړوند د ملګرو ملتونو څېړنه
دلو 17, 1403 16:43 Asia/Kabul
په کابل کې د یوناما دفتر ته نږدې د ډزو په غبرګون کې، د ملګرو ملتونو ویاند سټیفان دوجاریک وویل چې دا اداره دا موضوع له نږدې څېړي.
دوجاریک وویل ستونزمنه ده چې د هغو کسانو په انګېزه پوه شو چې دا اقدام یې ترسره کړ نو له همدې امله په دې برخه کې څېړنې په جدي توګه پیل شوې دي.دوه ورځې وړاندې، وسله والو د ملګرو ملتونو د ساتونکو پر پوستې ډزې وکړې.د کورنیو چارو وزارت ویاند عبدالمتین قانع وویل چې د دوی یو سرتیری په ډزو کې وژل شوی او د ملګرو ملتونو یو کارمند په سطحي ډول ټپي شوی دی.
