د فوټبال د نړیوال فدراسیون یا «فیفا» د نوې درجه بندۍ له مخې د افغانستان فوټبال ملي لوبډله د نړۍ د فوټبال په نوې درجه بندې کې اووه نمبره پورته تللې ده.

اوس افغان لوبډله د یو زرو اووه دیرش نمرو په لرلو سره په یو سلو یو پنځوسم مقام کې شتون لري.په دې توګه د افغانستان د فوټبال ملي لوبډلې لایبریا، مالدوفا،ګیانا، سنګاپور، یوګانډا، یمن او هانګ کانګ څخه یې مخکې توب ترلاسه کړی دی.تر دې مخکې افغانستان د فیفا په درجه بندۍ کې یو سلو اته پنځوسم ځای درلود.د دې جدول په لومړي ځای کې ارجنټاین او فرانسه په دویم ځای کې شتون لري.