کرېکټ بورډ: د زونونو په کچه د غوره کلبونو ترمنځ د اتلولۍ جام سیالۍ د ډېنجر کرېکټ کلب په بریا پای ته ورسېدې.

کرېکټ بورډ: د زونونو په کچه د غوره کلبونو ترمنځ د اتلولۍ جام سیالۍ د ډېنجر کرېکټ کلب په بریا پای ته ورسېدې. د افغانستان د ۵ زونونو په کچه د غوره کلبونو ترمنځ د اتلولۍ جام سیالۍ، چې د تېرې ډسمبر میاشتې په ۲۹مه نېټه په خوست ولایت کې پیل شوې وې، نن د مس عینک زون اړوند ډېنجر کرکټ کلب په اتلولۍ سره پای ته ورسېدې. دغې لوبډلې د بست زون خپلواک کرېکټ کلب ته په پایلوبه کې په ۵۰ منډو ماتې ورکړه او د ۲۰۲۲م کال د غوره کلبونو ترمنځ د سیالیو اتلولي یې خپله کړه.