وزیر داخله تاجیکستان اعلام کرد که حکومت طالبان برای جلوگیری از قاچاق مواد مخدر از افغانستان موفقیتی نداشته است.

به گزارش تلویزیون سحر افغانستان، «رمضان رحیم‌زاده» وزیر داخله تاجیکستان اظهارداشت که گفته های مقامات طالبان درباره اتخاذ تدابیر مشخص و مبارزه با تولید مواد مخدر نتیجه روشنی در بر نداشته است.

وی ادامه داد که روند قاچاق مواد مخدر از افغانستان به تاجیکستان کاهش نیافته است.

رحیم‌زاده به خبرنگاران گفت: وعده سران طالبان برای جلوگیری از قاچاق مواد مخدر تا کنون عملی نشده است.

وزیر داخله تاجیکستان خاطرنشان کرد: در نیمه اول سال 2022، نهادهای داخلی تاجیکستان یک تن مواد مخدر شامل 54 کیلوگرم هروئین، 402 کیلوگرم تریاک، 403 کیلوگرم حشیش و 128 کیلوگرم ماری‌جوانا کشف و ضبط کرده‌اند.

انتهای پیام.